18-09-2012
Un grupo de hostaleiros e profesionais do mar de Ponteceso visitaron o pasado 17 de setembro a vila de Boiro para coñecer de primera man o destino turístico Arousa Norte e como se desenvolveu un produto vinculado ao mar. Neste caso, ao mexillón, o maior recurso desta zona de Galicia. A experiencia serviu para analizar o traballo conxunto das empresas de turismo mariñeiro desta área e a promoción mutua que fan uns dos outros en aras do beneficio común.
Durante a visita, mostrouse o proceso do cultivo do molusco que despois se sirve nas mesas dos restaurantes locais no chamado “Menú Bateeiro”. Os mexillóns preséntanse con decoración propia e envoltos nas historias lendarias das conserveiras da vila que seguen baseando a súa produción nun mexillón que venden nos establecentos locais. Tendas que tamén ofrecen a típica tarta de San Ramón. O grupo tamén tivo tempo para o turismo durante unha travesía entre bateas á illa de Areoso e charla coas empresas náuticas da zona.
A experiencia tamén serviu para que os empresarios adoptaran durante unhas horas o papel de turistas mariñeiros para comprender os intereses que teñen os visitantes a un destino turístico.