Os dous sendeiros incluídos na iniciativa Ponteceso. Os Camiños do Mar, a Ruta Camiño da ribeira e a Ruta Pondaliana, son as dúas primeiras rutas 2.0 da comarca da Costa da Morte. Ao longo do percorrido atoparás 30 códigos QR -15 en cada unha- e só usando un Smartphone, os chamados teléfonos intelixentes, poderás consultar no mesmo momento información de interese sobre o espazo que tes diante.

Daquela, o que precisas para ler un código QR é un teléfono intelixente para aplicar algunha destas opcións:

• Descarga un software gratuíto (I‐nigma, QCode Reader ou Neoreader) e escanea o código QR coa cámara do móbil. 
• Abre a dirección web que se indica na etiqueta e teclea o código de 8 caracteres que se indique.
• Se o teu teléfono ten integrada a tecnoloxía NFC, actívaa e pasa o móbil cerca da etiqueta.