Chegados a este punto, a ruta Pondaliana mira cara ao outro sendeiro que vertebra esta iniciativa de dinamización turística “Ponteceso. Os Camiños do Mar”. É a chamada ruta Camiño da Ribeira que une a capital municipal e a vila mariñeira de Corme pola beira do río Anllóns e da beiramar da ría de Corme e Laxe.
Mira cara ó río Anllóns. As súas augas doces xa están en contacto co mar xerando un rico e productivo espazo intermareal. Rematada a ruta Pondaliana, desde o alto do monte Branco, poderás baixar por un carreiro ata as Dunas da Barra e de alí, continuar ata a praia de Balarés co bater das ondas como son de fondo. O val de Gondomil, a Pedra da Serpe, as praias da Ermida e Osmo e finalmente Corme serán os lugares aos que te leven os teus pasos.
Pondal lévate agora cara ao seguinte monolito. Mira cara á túa dereita.